មន្ទីរសារធារណការ និង ដឹកជញ្ជូន នៅយប់ថ្ងៃទី ២៦ ខែតុលា ឆ្នាំ ២០២១ បានប្រកាសអាសន្ន ពីស្ថានភាពទឹកជំនន់ស្ទឹងព្រែកត្នោត កំពុងវាយលុក។
ក្នុងនោះ ខាងក្រសួងបានសូមឱ្យប្រជាពលរដ្ឋ រស់នៅក្នុងភូមិសាស្ត្រសង្កាត់ចំនួន ៥ ក្នុងខណ្ឌដង្កោ ត្រូវជម្លៀសចេញពីលំនៅដ្ឋានដើម្បីរកទីទួលសុវត្ថិភាពជាបន្ទាន់ ដែលសង្កាត់ទាំងនោះមានដូចជា ៖
១. សង្កាត់គង់នយ
២. សង្កាត់ទៀន
៣. សង្កាត់ស្ពានថ្ម
៤. សង្កាត់ព្រែកកំពឹស
៥. សង្កាត់រលួស
គួរឱ្យដឹងផងដែរថា ប៉ុន្មានថ្ងៃចុងក្រោយនេះ ស្ថានភាពទឹកជំនន់ស្ទឹងព្រែកត្នោត បានបន្តកើនឡើងជាបន្តបន្ទាប់ បង្កជាក្ដីបារម្ភដល់ប្រជាពលរដ្ឋ ដែលកំពុងប្រឈមនឹងការលិចលង់លំនៅដ្ឋាន ខណៈថ្នាក់ដឹកនាំភូមិសាស្រ្ត កំពុងដុតដៃដុតជើង សង្កេត និងសម្រួលបញ្ហាមួយនេះ ដើម្បីបញ្ចៀសនូវហានិភ័យជូនប្រជាពលរដ្ឋ៕
