មហាជនជាច្រើនបានជា្របហើយកាលពីថ្ងៃទី ០៥ ខែ វិច្ឆិកា ឆ្នាំ ២០២១ កន្លងទៅ លោក អៀង ចេនឡា បានបង្ហោះសារលើគណនីហ្វេសប៊ុក បង្ហាញពីអារម្មណ៍តូចចិត្តខ្លាំង ដោយក្នុងនាមលោកជាអ្នកសិល្បៈមួយរូបប្រឡូកសិល្បៈប្រមាណ ២០ ឆ្នាំ តែមិនឃើញមានសមាគមន៍ណាមួយអើពើរូបលោក នៅពេលដែលលោកធ្លាក់ខ្លួនឈឺខ្លាំងជាច្រើនខែកន្លងមក។ ម្យ៉ាងវិញទៀត តារាប្រុសរូបនេះ មិនត្រឹមតែធ្វើការបង្ហោះសារដែលមានអត្ថន័យខាងលើនោះទេ គេសង្កេតឃើញថា លោក បានបង្ហោះសារជុំវិញរឿងនេះជាបន្តបន្ទាប់ ដែលបានធ្វើឱ្យមហាជនអ្នកគាំទ្រលើបណ្ដាញសង្គមហាក់មានការចាប់អារម្មណ៍ខ្លាំង ក៏ដូចជាអ្នកសិល្បៈមួយចំនួនបានធ្វើការបញ្ចេញមតិរៀងៗខ្លួនផងដែរ។ ដោយឡែកមកដល់ថ្ងៃទី ០៧ ខែវិច្ឆិកា ឆ្នាំ ២០២១ នេះ កាន់តែធ្វើឱ្យមហាជនចាប់អារម្មណ៍ និងមានការភ្ញាក់ផ្អើលជាខ្លាំង ដោយបានឃើញ តារាប្រុសរូបនេះ សម្រេចចិត្តបោះចោលអត្តសញ្ញាណប័ណ្ណសិល្បករខ្មែរ ដែលហាក់បង្ហាញការតូចចិត្តកាន់តែខ្លាំងឡើងរហូត ធ្វើឱ្យលោកដាច់ចិត្តធ្វើបែបនេះ។ នេះបើតាមការបង្ហោះរូបភាពពីរសន្លឹកភ្ជាប់ជាមួយនឹងសារប៉ុន្មានម៉ាត់រៀបរាប់ថា ៖ «កាតនេះគ្មានតម្លៃសម្រាប់ខ្ញុំទេ ខ្ញុំនឹងបោះចោលនៅថ្ងៃនេះ»។ លើលពីនេះ តារាប្រុសរូបនេះ បានបញ្ជាក់មូលហេតុដែលធ្វើឱ្យរូបលោក ដាច់ចិត្តបោះចោលអត្តសញ្ញាណប័ណ្ណនេះផងដែរ ដោយធ្វើការខមមិនថា ៖ «ឆ្អែតសម្ដីប្រធាន»៕
Read Moreទ្រាំលែងបានហើយ! អៀង ចេនឡា ឆ្អែតចិត្តខ្លាំងដល់ថ្នាក់ ចង់បោះចោលប័ណ្ណសិល្បករ
